ചെറുമിറ്റം യുപി സ്കൂളിലെ പി.മുഹമ്മദ് മാസ്റ്ററുടെ യാത്രയയപ്പ് സമ്മേളനം പ്രൗഢോജ്ജ്വലമായി
പുളിക്കൽ:ചെറുമിറ്റം പി.ടി.എം.എ.എം.യുപി സ്കൂൾ 46-ാം വാർഷികാഘോഷവും മുപ്പത് വർഷത്തെ ഔദ്യോഗിക സേവനത്തിൽ നിന്നും ചാരിതാർത്ഥ്യത്തോടെ വിരമിക്കുന്ന പി.മുഹമ്മദ് മാസ്റ്റർക്കുള്ള യാത്രയയപ്പ് സമ്മേളനവും ഗംഭീരമായി.
യാത്രയയപ്പ് സമ്മേളനം പുളിക്കൽ പഞ്ചായത്ത് പ്രസിഡൻ്റ് കെ.കെ മുഹമ്മദ് മാസ്റ്റർ നിർവ്വഹിച്ചു.പ്രധാനാധ്യാപിക സി.എ ഷീബ ടീച്ചർ സ്വാഗതം പറഞ്ഞു.സ്നേഹാദരം,ഉദ്ഘാടന സമ്മേളനം,വിദ്യാർത്ഥികളുടെ കലാവിരുന്ന്,ഗാനവിരുന്ന് (LITTLE SINGERS TROOP),യാത്രയയപ്പ് സമ്മേളനം,ഉപഹാര സമർപ്പണം,അവാർഡ് ദാനം,പ്രശസ്ത മജീഷ്യൻ എം.എം പുതിയത്തിൻ്റെ മാജിക് ഷോ എന്നി വൈവിധ്യമാർന്ന പരിപാടികളാൽ സമ്മേളനം സമ്പുഷ്ടമായി.പൂർവ്വകാല അധ്യാപകർക്ക് ഓർമ്മകൾ അയവിറക്കാൻ സ്നേഹാദരം പരിപാടി അവസരമൊരുക്കി.വിദ്യാർത്ഥികളുടെ കലാവിരുന്ന് ചടങ്ങിനെ വർണ്ണാഭമാക്കി.പ്രൊഫ ഷണൽ പാട്ടുകാരെ വെല്ലുന്ന രീതിയിൽ നടന്ന ലിറ്റിൽ സിംഗേഴ്സ് ട്രൂപ്പിൻ്റെ ഗാന വിരുന്ന് കാണികളെ ആവേശഭരിതരാക്കി.എൽ.എസ്.എസ്,യു.എസ്.എസ്, ഉർദു സംസ്ഥാനതല ജനപ്രിയ ഗായിക,ഉർദു സംസ്ഥാന-ജില്ലാതല വിജയികൾ,സംസ്ഥാന തല സംസ്കൃത സ്കോളർഷിപ്പ്, ദേശാഭിമാനി അക്ഷരമുറ്റം ജില്ലാ ക്വിസ്,കെ.എസ്.ടി.യു സബ് ജില്ലാ പ്രതിഭ ക്വിസ് വിജയികൾ എന്നി വിദ്യാർത്ഥികളെ അവാർഡ് നൽകി ആദരിച്ചു.പി.ടി.എ പ്രസിഡൻ്റ് പ്രമേഷ് സി അധ്യക്ഷനായിരുന്നു.ജില്ലാ പഞ്ചായത്ത് മെമ്പർ പി.കെ.സി അബ്ദുറഹിമാൻ,വാർഡ് മെമ്പർ കെ.സി ഷെരീഫ ടീച്ചർ,ദാസൻ മാസ്റ്റർ, റിക്കാസ് മാസ്റ്റർ, ജാബിർ, അനസ് സി,എം.ടി.എ പ്രസിഡൻ്റ് വിനയ ടീച്ചർ,ഐ.ടി അബ്ദു,കെ.എ ഉസ്മാൻ മാസ്റ്റർ,പി അബൂബക്കർ മാസ്റ്റർ (പ്രോഗ്രാം കൺവീനർ) കെ.പി അബ്ബാസ് മാസ്റ്റർ, പി.വി ജമീല ടീച്ചർ,ശ്രീലക്ഷ്മി ടീച്ചർ, ശ്രീവിദ്യ ടീച്ചർ, കെ.വി റിയാസ് മാസ്റ്റർ എന്നിവർ വിവിധ സെക്ഷനുകളിലായി സംസാരിച്ചു.എം.എം പുതിയത്തിൻ്റെ മാജിക് ഷോ കാണികളിൽ കൗതുകമുണർത്തി. എണ്ണിയാൽ ഒടുങ്ങാത്ത പലഹാരങ്ങൾ ചായ മക്കാനിയിലേക്ക് എത്തിച്ച് കൊണ്ട് രക്ഷിതാക്കളും ഭാഗമായി. മറുമൊഴി പ്രഭാ ഷ ണത്തിൽ തനിക്ക് നൽകിയ സ്നേഹോഷ്മളമായ യാത്രയയപ്പിന് പി.മുഹമ്മദ് മാസ്റ്റർ കൃതജ്ഞ രേഖ പ്പെടുത്തി.സ്റ്റാഫ് സെക്രട്ടറി പി.കെ ജലീൽ മാസ്റ്റർ നന്ദി പറഞ്ഞു.
Comments
Post a Comment