ഹയർസെക്കൻഡറി പരീക്ഷകൾ ഇന്ന് തുടങ്ങും; നാളെ എസ്എസ്എൽസി
രണ്ടാം വർഷ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകൾ ഇന്നും എസ്എസ്എൽസി പരീക്ഷ നാളെയും ആരംഭിക്കും. ഹയർ സെക്കൻഡറി പരീക്ഷ 2,005 കേന്ദ്രങ്ങളിലും വൊക്കേഷണൽ ഹയർ സെക്കൻഡറി പരീക്ഷ 389 കേന്ദ്രങ്ങളിലുമാണ് നടക്കുന്നത്. പരീക്ഷയ്ക്കുള്ള എല്ലാ ഒരുക്കങ്ങളും പൂർത്തിയായതായി അധികൃതർ അറിയിച്ചു. ഏപ്രിൽ 26 വരെയാണ് പരീക്ഷ. എസ്എസ്എൽസി പരീക്ഷ നാളെ നടക്കും.
2,005 ചീഫ് സൂപ്രണ്ടുമാരെയും 4,015 ഡെപ്യൂട്ടി ചീഫ് സൂപ്രണ്ടുമാരെയും 22,139 ഇൻവിജിലേറ്റർമാരെയും പരീക്ഷാ നടത്തിപ്പിനായി നിയമിച്ചിട്ടുണ്ട്. പരീക്ഷകൾ സുഗമമായി നടക്കുന്നുണ്ടെന്ന് ഉറപ്പാക്കാൻ സംസ്ഥാന തലത്തിലും പ്രാദേശിക തലത്തിലും വിജിലൻസ് സ്ക്വാഡുകൾ രൂപീകരിക്കും. 4,33,325 വിദ്യാർത്ഥികളാണ് പരീക്ഷയ്ക്ക് രജിസ്റ്റർ ചെയ്തിരിക്കുന്നത്.
എസ്എസ്എൽസി പരീക്ഷ നാളെ ആരംഭിച്ച് ഏപ്രിൽ 29ന് അവസാനിക്കും.2,962 പരീക്ഷാ കേന്ദ്രങ്ങളാണ് സജ്ജീകരിച്ചിരിക്കുന്നത്. 4,27,407 കുട്ടികളാണ് സംസ്ഥാനത്ത് ഈ വർഷം എസ്എസ്എൽസി പരീക്ഷ എഴുതുന്നത്. ഇതിൽ 2,18,902 ആൺകുട്ടികളും 2,08,097 പെൺകുട്ടികളുമാണ്. ഗൾഫ് മേഖലയിലെ ഒമ്പത് കേന്ദ്രങ്ങളിൽ നിന്നായി 574 കുട്ടികളും ലക്ഷദ്വീപിലെ ഒമ്പത് കേന്ദ്രങ്ങളിൽ നിന്നായി 882 കുട്ടികളും പരീക്ഷ എഴുതും.
Comments
Post a Comment