ഇന്ധന വില നാളെയും കൂടും
നാളെയും ഇന്ധനവിലയിൽ വർധനവ് തുടരും. പെട്രോളിന് ലിറ്ററിന് 87 പൈസയും ഡീസലിന് 84 പൈസയുമാണ് കൂട്ടുന്നത്. ഇതോടെ കൊച്ചിയിൽ പെട്രോൾ വില 112.15 രൂപയും ഡീസലിന് 99.13 രൂപയുമായി. ഒരാഴ്ചയ്ക്കിടെ പെട്രോൾ വില ലിറ്ററിന് 7.85 രൂപ കൂട്ടി. ഡീസലിന് ഒരാഴ്ചയ്ക്കിടെ 7.58 രൂപയാണ് കൂടിയത്.
അതിനിടെ, ഉക്രൈൻ റഷ്യയുടെ അധിനിവേശത്തിന്റെ ഭാഗമാണ് ഇന്ധനവില വർധനയെന്ന് കേന്ദ്രമന്ത്രി നിതിൻ ഗഡ്കരി നേരത്തെ പറഞ്ഞിരുന്നു. റഷ്യ-യുക്രെയ്ൻ യുദ്ധം മൂലം രാജ്യാന്തര വിപണിയിൽ എണ്ണവില ഉയരുന്നത് കേന്ദ്രസർക്കാരിന് നിയന്ത്രണാതീതമാണെന്നും അദ്ദേഹം പറഞ്ഞു.
‘ഇന്ത്യയിൽ ലഭ്യമായ എണ്ണയുടെ 80 ശതമാനവും ഇറക്കുമതി ചെയ്യുന്നതാണ്. 2004 മുതൽ ഇന്ത്യയെ സ്വയംപര്യാപ്തമാക്കാനുള്ള ശ്രമങ്ങൾ ആരംഭിച്ചിട്ടുണ്ട്. രാജ്യം സ്വന്തമായി ഇന്ധനം ഉത്പാദിപ്പിക്കേണ്ടതുണ്ട്. 40,000 കോടിയുടെ എത്തനോൾ, മെഥനോൾ, ബയോഇഥനോൾ ഉൽപ്പാദന സമ്പദ്വ്യവസ്ഥ ഇന്ത്യ ഉടൻ കൈവരിക്കും. ഇത് പെട്രോളിയം ഇറക്കുമതിയെ ആശ്രയിക്കുന്നത് കുറയ്ക്കും. ഇന്ത്യയിലെ മുൻനിര കാർ, ഇരുചക്രവാഹന നിർമ്മാതാവ് ഫ്ലെക്സ്-ഫ്യുവൽ എഞ്ചിനുകളുള്ള വാഹനങ്ങൾ നിർമ്മിക്കാൻ നോക്കുന്നു, അത് വരും മാസങ്ങളിൽ അവതരിപ്പിക്കും. അദ്ദേഹം വ്യക്തമാക്കി.
Comments
Post a Comment