ഇന്ധനവില വർധന തുടരുന്നു

 ഇന്ധനവില വർധന തുടരുന്നു

ഇന്നും രാജ്യത്ത് ഇന്ധനവില വർധിച്ചു. പെട്രോളിന് ലിറ്ററിന് 87 പൈസയും ഡീസലിന് 85 പൈസയുമാണ് ഇന്ന് വർധിച്ചത്. കഴിഞ്ഞ 11 ദിവസത്തിനിടെ പെട്രോളിന് 8 രൂപ 72 പൈസയും ഡീസലിന് 8 രൂപ 43 പൈസയുമാണ് കൂടിയത്.

കൊച്ചിയിൽ പെട്രോൾ ലിറ്ററിന് 112.89 രൂപയും ഡീസലിന് 99.86 രൂപയുമാണ് ഇന്നത്തെ വില. തിരുവനന്തപുരത്ത് പെട്രോൾ വില 115 കടന്നു.

യുപി, പഞ്ചാബ്, ഉത്തരാഖണ്ഡ്, ഗോവ, മണിപ്പൂർ എന്നിവിടങ്ങളിൽ നിയമസഭാ തെരഞ്ഞെടുപ്പിന് മുന്നോടിയായി നവംബർ 4 മുതൽ വർധന നിർത്തിവച്ചു. തിരഞ്ഞെടുപ്പ് കഴിയുന്നതോടെ ഇന്ധനവില ഉയരുമെന്ന് പ്രതീക്ഷിച്ചിരുന്നു. ഒറ്റയടിക്ക് വില കൂട്ടുന്നതിനു പകരം പതിയെ പതിയെ വില കൂട്ടുകയാണ് കമ്പനികൾ. തെരഞ്ഞെടുപ്പിന് മുമ്പ് ഇന്ധന വിലയിൽ അവസാന മാറ്റം വരുത്തുന്നതിന് മുമ്പ് ക്രൂഡ് ഓയിൽ വില ബാരലിന് 82 ഡോളറിനടുത്തായിരുന്നു.